قصيدة عائلتي (بن الحاج جلول BHD familey) _ علي فارس ali faris bhd
-
اذا بغيت تعرف عليّ
سقسيني وارواح ليّ، نعطيلك les
détailles بالقلب وبالنية.
-
أنايا أصلي باين ولد حلال ماشي خاين، الصرف
راهو كاين صاحبي شا دوّرك بيّا.
-
يا ولدي راك صغير، مازال حليب امّك في فمّك،
كالي لسانك كاشير راني نوجّدلك في حيّة.
-
مسرحية شكسبير، غادي نحرّرلك الوجبة، سمّوه
عقلك يطير، باش تعقل امليح عليّ.
-
أنا bhd مفتخر، نترشّق اعليك ونقسّر، بيناتنا الستيلو
الّي يهدر، attention تزيد تغلط فيّ.
-
ديرني خطّ احمر في حياتك، كي تشوفني دوّر
كمّارتك، Pasques الحاجة اللّي خاصاتك، تلقاها عندي مرميّة، c’est
pour ça
تبلّق فيّ.
-
كلامك ضحّكني وبكّاني، كي شفتني جاي بلعاني،
قستلي شرّة وهرانية، زعما انت file de rahouia .
-
حاسب روحك، وانت عسّاس، تهدر وتقايس فالنّاس،alors
راني معاك face à face لاقي على روحك شويّة.
-
نلعبلك matche فfootball
،
انا نتيري وانت tu mérite ,Gool ما
عندك ماتقول بلّع فمّك عليّ.
-
نلعبلك فالبرنابيو نخلع كريستيانو وليّو،
انتوما الّي بغيتو تسيّو، مالا هاكم العقليّة.
-
سمّونا ما نغلطوش، وكي نغلطو ما نحشموش،
نعرفو القمنة ومانخسّروش، احنايا ولاد الفاميليا.
-
الّي يسمع هاذ الغنية، ما يقولش راهو عليّ،
راني على واحد psy quatre عندو عقدة نفسية.
-
غالط في هاذ الدنيا، حاسبها دراما تركية،
يتفرجها صباح وعشية، ويجي يكومباري روحه بيّ.
-
يا ولدي اذا ما تعرفنيش، غير اقلعني من la
fiche
عاندني وماتحسدنيش، انت الخاسر ماشي انايا.
-
مازال ماسمعتو والوا، تقولو وتقولو قالوا، bhd j’amis تصرالو،
ماكاش الي يتمسخر بيّ.
-
انايا نسكن فالحمّار، l’essential، عندي زوج
ديار، كل وحدة تسوى مليار،ouvert ماشي بقاّر، عندي super شخصيّة.
-
مازالكم ساكنين في قرابة، تاع فرنسا كي
الطلاّبة، عايشين حياة الكذّابة، وانتوما زبل الدنيا.
-
ماتخدموا ماتزدموا، ماعندكم علاش تخمّوا،
الدّولة تقيسلكم تلمّو، تقنعوا وتقولو هانية.
-
والفتوا غير شكيمة حرفتكم من بكري قديمة،
شكون يديرلكم قيمة؟ كيما السينما المصرية.
-
ولد لبلاد تتكبرو عليه، تّالبوه وتهدرو فيه، من
داخل ولا من برّة، احنايا كاع عروبيّة.
-
بصّح البرّاني تتّحوله، ديروه سلطان
وتركعوله، كاع الي كاينة تدّوله، رجعتو للجاهلية.
-
انتوما الّي بغيتو الهدرة، نشمتكم راجل
وامرا، غادي من هاذ المرة، تشوفوا الرجلة الجلّولية.
-
واه يالّي بغيت تناقر، راسك خاوي وتصفّر،
اعرف مع من تهدر، ماشي كاع الناس انوايا.
-
حاسب روحك ولد"موندقولفي" و جدّك
اصرا فيه الفي، خدم مع فرنسا كرفي، ماتوا الشهدا عاد احيا؟
-
انا جدّي خدّمكم عندو، كنتوا عبيد تحبّو
يدّو، واليوم مراكمش تردّو علينا حتى التحيّة.
-
انا اصلي pure انظيف، ولد الرسول الشريف،
جدودي نعرفهم بالسّيف، حتى لفاطيمة لهاشيمية.
-
هاك تسمع شا عندي، نحكيلك على جدّي، سلّك
شحال من قضيّة، فالتاريخ راحت منسيّة.
-
الجامع الّي راك تصلّي فيه، جدي تاني ضحّى
عليه، باع احواشو هنا وليه، واليوم راك تكفّر فيّ.
-
المزابي الّي راك تشري منوّ، جديّ هو الّي
استقبلو، كرموا من بكري وبنالو، المحلات التجارية.
-
ونرجع للألف و ثمنمية، كانت ثورة شعبية،
دراها سيدي لزرق بلحاج، على فرنسا ثار وهاج، فليتة تشهدلو يا خويا.
-
لزرق بلحاج وجلول، خاوة للزوج فحول، داروا
الواجب المسؤول، في الخدمة الوطنية.
-
سي لزرق استشهد ومات، جلول ماصاب وين يبات،
خلّى برنوسه فالصار، وجا توال الرحوية.
-
شرا بمواله نص لبلاد، رزقه كثر زاد وزاد،
حبّه ربي والعباد، اصبح حاكم الرعية.
-
كان يغامر ويسافر، يدّي ويجيب الاوامر، من
عند الامير عبد القادر، خوه بالرضاعة الشرعية.
-
حجّ البيت سبع مرات، وليلة القدر سبع مرات
نزلت عليه في لوقات، وماغراتوش الدنيا.
-
الحاج جلول هاذي كنية، ومنها جات التسمية،bhd عندها قصية،
ماشي كلمة فيسبوكية.
-
هاذي حكاية من زوج قرون، التاريخ يحكي ماشي
عقّون، روح سقسي امك انتايا شكون؟ وممبعدا سقسي عليّ.
-
قبل ما نختم ذ الكلمة، ما ننساش جدّي لمّا،
من لاخوال تجي الحكمة، هاذي سنة نبوية.
-
سي جلول بلفوضيل، في منداس دار التاويل، سيدي
لزرق جدو بالدليل، لامع بين الاولياء.
-
سي جلول دار بساتين، من رمان عنب وتين، كان
اب للمساكين، وغليزان بكات سنين، منين وافاته المنية.
-
وذا تقرا للشعرا، كاين قصايد مشهورين،
"انا ليوم وافيت الزين"، كتبها محمد بلفوضيل، شاعر زرقاوي بدواوين، منها
خذينا الحرفية.
-
وكي تطلع الشمس اليوم، اصلي ماتخفيه غيوم،
واضح كي الذكر المختوم، من حكمة ربانية.
-
خوالي فحول وزعاما، وعمومي نجوم وعلماء،
الشيخ سي مصطفى علامة، تشهدله السعودية.
-
انايا ماشي مغرور، بصح عندي فالراس بحور،
اعرف مع من راك تدور،
c’est nonنعاودلك ابرة صينية.
ليست هناك تعليقات:
إرسال تعليق